Toldo Cofre Tgmbox L300

As tapas laterais do cofre son de aluminio, o que aporta maior duración e calidade de acabado. Pódese instalar tanto frontal como entre paredes.

A estrutura deste toldo é de dimensións pequenas, polo que fai harmonía coas liñas das ventás sen interferir negativamente no aspecto da fachada, chegando a constituírse como un elemento decorativo grazas ó seu elegante deseño.

Brazo de punto recto que se caracteriza por un sistema de transmisión de tensión que integra a cinta plana e flexíbel ART-SYSTEM. Con este sistema obtéñense importantes vantaxes tanto estéticas como técnicas; evita a erosión e os rozamentos no lacado, aumenta a vida útil do toldo e permite un mellor acabado da instalacións xa que todos os elementos de tensión quedan ocultos.

Alcanza unha saída/proxección máxima de 1,60 m a 90º. Esta característica posibilita que se poidan cubrir completamente ventás de gran altura.

Alcanza unha liña máxima de 5 metros. Por outro lado, grazas á capacidade interior do seu cofre permite que se poida enrolar ata 3 metros de lona. 

Complementos opcionais:

•           Accionamento: manual, motorizado e automatizado

• Rotulación ou impresión dixital en tecido