1936

Fundación da guarnicionería

O artesán Gómez faleceu o 28 de maio de 1936, a súa viúva, Matilde Cea, contaba entón con 38 anos e oito fillos. Números pares para unha muller que quedaba soa e sumida na dor. Chorar ausencias era un luxo para unha muller, que proxectou todas as súas enerxías na educación e coidado dos seus fillos. De xeito que pouco a pouco foi facéndose cargo das actividades do cónxuxe, pronto sería axudada por dous dos seus fillos: Manuel e Cándido.

1970

Consolidación de Toldos Gómez

A finais dos anos 70, o taller dos Gómez traballa por primeira vez con lona de PVC. É tamén a década na que comezan a fabricar toldos de fachada. Os netos do fundador, desempeñaban, xa entón, un importante papel no negocio familiar.

1990

Para unha mellor xestión, separando negocio de guarnicionería e toldos, constituíuse o 20 de setembro de 1990 <<Toldos Gómez S.L>>, separándose xa definitivamente do negocio orixinario da guarnicionería que continuou e continúa a súa traxectoria diferenciada.

2016

Relevo de Antonio Gómez

En setembro de 2016, e despois de case 50 anos ó fronte da empresa, xubilouse como Director Xerente don Antonio Gómez Alamancos, verdadeiro artífice da evolución da empresa no último medio século. Antonio, aínda que xubilado, continúa vinculado á empresa dende o seu cargo de Presidente do Consello de Administración e como socio. No cargo de Director Xerente foi sucedido por Esteban Raposo Gómez.

1909

Fundación da guarnicionería

Natural de Pereiro de Aguiar, Antonio Gómez iniciouse no oficio de <<albardeiro>> na Coruña, abandonando no 1909 esta cidade para instalarse na vila de Arzúa. Alí namorouse, tivo oito fillos e puxo en marcha a engrenaxe do que anos despois constituiría TGM – Toldos Gómez.

1960

Primeiros pasos na confección de toldos

<<Guarnicionería Hermanos Gómez>>, foi o nome de aquel embrionario taller, onde se fabricaron con devoción as primeiras monturas galegas. Nos anos 60 presentouse unha crise no sector pola introdución da maquinaria agrícola e a redución do traballo con animais, unha situación que obrigou ós irmáns a buscar outras vías de ingresos. Así, a partires de 1968, inícianse na confección de toldos e lonas para feirantes, capas para montar a cabalo e, aproveitando as máquinas de coser instaladas na guarnicionería, o remendado de lonas de algodón.

1977

Primeiros pasos na confección de toldos

Durante case unha década, guarnicionería e toldos conviviron nunha mesma sede, ata que en 1977 se constrúe a primeira nave destinada á confección de lonas, dende a que funcionou o negocio de toldos con certa autonomía. Antonio, fillo de Manuel, quedaría ó fronte do novo negocio.

2000

Expansión pola xeografía galega

No momento de consituirse Toldos Gómez S.L. a empresa contaba con centros de traballo en Arzúa e Santiago (no Polígono Industrial do Tambre, adquirido en 1987). En 1999 ábrese un centro de traballo en Bergondo e no ano 2000 en Lalín. No 2013 púxose en marcha un novo edificio no parque empresarial de Arzúa de 6.879 metros cadrados. No 2021 pechouse o centro de Lalín, quedando así os catro centros de traballo que ten en Galicia a día de hoxe.