En Toldos Gómez apostamos pola sustentabilidade, a eficiencia enerxética e a innovación como piares estratéxicos da nosa actividade. Dentro deste compromiso, levamos a cabo un proxecto de instalación de paneis solares fotovoltaicos para autoconsumo na nosa nave situada no Parque Empresarial de Arzúa (Rúa Talabarteiros 12-13).

Este proxecto consiste na implantación dunha instalación de enerxía renovable baseada na xeración fotovoltaica, que permitirá reducir de forma significativa o consumo eléctrico procedente da rede, diminuír as emisións de CO₂ e avanzar cara á autosuficiencia enerxética.

A actuación foi apoiada polo INEGA (Instituto Enerxético de Galicia) no marco do Plan de Recuperación, Transformación e Resiliencia, financiado pola Unión Europea – NextGenerationEU (cuantías sinaladas no cartel publicitario ut supra), contribuíndo á descarbonización do sistema eléctrico, ao fortalecemento do autoconsumo e a unha xestión máis eficiente e responsable dos recursos enerxéticos.